第四話
鍾嘉欣入行3年以來不停拍劇，終於憑《溏心風暴》嶄露頭角。有人說常在心其實就是鍾嘉欣，她本人也不否認這個說法，說：「我都覺得有三分似，大家都好容易喊。」常在心在劇中周旋在程亮和得得地之間，前者背着她偷戀第三者，後者一直默默守護着她，現實中的嘉欣笑言一定會選得得地做男友。
常在心在《溏心風暴》最鍾意就是喊，幾乎每一集都會看到她喊，鍾嘉欣說：「呢個角色我演得好投入，我都覺得常在心嘅性格的確有三分似我，有時我覺得自己真係好似常在心，因為我同常在心一樣，都係好鍾意喊。」常在心出身貧窮家庭，父親患有老人癡呆症，還有一個成事不足敗事有餘的哥哥常在德，天資不算聰敏的她勝在勤奮，鍾嘉欣坦言非常欣賞常在心的為人。
自覺演技大躍進
鍾嘉欣說：「雖然佢出身唔好，又唔係聰明過人，但係佢勝在夠勤力，不怕捱苦，最終都俾佢考到個律師牌，佢呢種精神，真係好令我佩服，所以我都以常在心為目標。」鍾嘉欣演得投入，更不諱言劇集拍攝至中段時無法抽離角色，她說：「我覺得常在心呢個女仔好慘，佢係成日喊，不過佢好堅強，我都一樣係咁，其實喊都只係一種發洩，常在心就鍾意用呢一種方式發洩自己嘅不滿。」
因為常在心喜歡喊，所以鍾嘉欣也必須經常喊，她說：「真係要拍好多場喊戲，最初我都要時間培養情緒，之後一埋位都可以即刻喊，有一次仲喊到收唔到聲，拍完都繼續喊，因為我覺得常在心真係好可憐。」
「得得地係好男人」
常在心、得得地、程亮和水擘擘之間的四角關係，令觀眾看得入迷，常在心最終情歸何處？鍾嘉欣說：「我自己都覺得得得地真係好男人，如果係我，我一定會接受佢，所以常在心同程亮分手之後，最終都會同得得地走埋一齊。」
常在心遭好友水擘擘出賣，背着她偷戀程亮，不少觀眾都認為水擘擘行為可恥，但鍾嘉欣說：「好多人都睇到好激動，大家唔好憎蒙嘉慧，佢真人真係好好人，其實水擘擘都唔係好衰，佢會知錯，唔係大家想像中咁衰。」
採訪：楊潔雯
攝影：葉君海
服裝提供：SistyrMoon
