李香琴、朱咪咪、譚炳文、盧海鵬及黑妹李麗霞等將於本月31日開始，於文化中心舉行兩場「金豬萬壽無疆演唱會」，大唱60、70年代金曲，又會穿古裝演現代喜劇。
前晚眾人於佐敦綵排，朱咪咪憤然炮轟康體署，她說：「好㷫，我哋一年前已入紙康體署book期，起初想申請農曆新年，點知唔批，都唔明點解啲人掛旗號話文化交流同粵劇，就好易、好快有期，我哋夠係懷舊金曲咯，都係本地文化，點解一直唔肯畀期呀？仲畀埋啲星期四、星期五，又從旁阻撓？我哋依足程序㗎，好氣頂。」
有人兜售檔期
朱咪咪謂她得到檔期前，竟有其他公司向她兜售檔期，她說：「啲人當初入紙同最終演出係不符嘅，根本康體署政策有問題，應該有賞罰啦，畀啲人霸住啲期，好唔公平。」
採訪、攝影：馬建華