茶樓人多擠迫，女士當心遭人鹹豬手！女網友BiBi在討論區自爆在茶樓等位時只顧煲電話粥，遭老翁非禮，卻懵然不知，反而其男友即時揭發，並破口大罵，老翁以粗口還擊，男友報警求助，並要求老翁即時道歉。一眾女網友替BiBi不值之餘，更羨慕她有個挺身而出的男友。fatmeme讚歎：「我做咗30幾年人，都未見過咁man嘅男人！」
BiBi在BeautyExchange討論區憶述，上周六下午偕男友到大圍區的酒樓等位，男友坐下看電視，BiBi則站在一旁煲電話粥。一名手扶枴杖的七旬老翁突然步向BiBi，「我感覺到我個patpat好明顯咁俾人用拳頭鋤咗一下，其實當時我分晒神傾電話，未識有咩感覺，只見我男朋友發晒火，企起身指住個阿伯大聲喝罵！」
警方到場 道歉了事
男友與老翁的喝罵聲隨即引來途人圍觀，最後報警求助。警方到場後，建議雙方和解，老翁向BiBi道歉了事。
網友paz也稱，曾在酒樓遭人非禮，「我都試過喺酒樓俾人撞個胸，但有時人多撞到又唔奇，我又唔sure佢係咪有心，所以睥咗佢一眼都算。」網友米米則叮囑BiBi日後加倍留神，「我比較擔心係你，以後若你自己一個女仔，唔好淨係顧住講電話。俾人非禮完都唔知，好彩你男友喺度咋。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]