家陣啲汽車導航系統越出越先進，就嚟連瞌埋眼揸車都仲得。點解咁講，因為講咗好耐都無乜聲氣嘅智慧型運輸系統（ITS），家陣終於喺日本進入試驗階段，呢套系統係由日本國土交通省與汽車生產商共同開發。
佢哋喺架車入面裝設咗ITS裝置，咁樣喺東京都內嘅「首都高速公路」附近約20km嘅路段之內，就可以接收到最新嘅道路狀況影像，前面塞唔塞車一睇就知；另外，當交滙處另一邊有車靠近你嘅時候，又會喺畫面顯示影像同發出聲音提醒你。呢個試驗會一直進行到秋季，而且決定喺10月15日於「首都高」正式提供服務。
其實睇到呢段新聞後都有啲無奈，因為我悠穎馳經常睇《蘋果》車版，但發覺裏面介紹嘅車大部份都無裝汽車導航系統，使用率咁低，呢種ITS睇怕都唔知要幾耐先會喺香港出現喇！
悠穎馳
豪邁不羈，愛車如命，聽幾下引擎聲就知咩車！