連日下雨，沒有太陽直射的炎熱，但因香港濕度高，始終都係翳焗啲，搞到胃口較差。成日飲凍嘢冇錯係透心涼，不過對腸胃冇益，想涼浸浸又健康，不妨食冷盤，做法簡單，當正餐餸菜都飽肚㗎！
記者：林佩婷
攝影：楊錦文
示範：洛曉坊創辦人
Fiona（34228651）
麻醬雞絲拌海蜇
需時：10分鐘
價錢：$25/4人
材料：即食海蜇1包、雞柳50克、日本芝麻醬適量、鹽1/2茶匙、熱水1碗
做法：海蜇隔去水份備用。雞柳用鹽醃4分鐘後，放入熱水煲滾，熄火焗4分鐘，取出待涼後撕成絲；雞柳/海蜇/日本芝麻醬拌勻便成。
醬拌鴨舌
需時：30分鐘
價錢：$30/4人
材料：鴨舌250克、豆瓣醬1湯匙、麻油少許
醬汁：老抽3/4碗、生抽1/4碗、水1碗、冰糖2大粒、八角1粒
做法：鴨舌先用刷刷淨，用水沖洗後瀝亁。醬汁拌勻煮滾，之後放入鴨舌煮5至10分鐘，取出鴨舌待涼，醬汁備用。豆瓣醬/半份醬汁拌勻後，浸鴨舌20分鐘後隔去汁料，放入雪櫃。吃時可加麻油。
醉雞
需時：30分鐘（未計冷藏時間）
價錢：$30/4人
材料：雞髀1隻（去骨）、鹽1茶匙、上湯1碗、米酒/紹興酒/玫瑰露酒各1小杯
做法：雞髀以鹽醃15分鐘，然後用錫紙包好捲成筒形，隔水蒸20分鐘；待涼後撕去錫紙。煮滾上湯，待涼後加入米酒/紹興酒/玫瑰露酒/雞髀，放雪櫃過夜。食用時撈起雞髀切件即成。
青瓜拌鮑片
需時：5小時
價錢：$30/5人
材料：溫室青瓜2條（切條）、即食鮑片100克、白米醋1/2樽、冰糖8安士、鹽1湯匙
汁料：薑茸1茶匙、蒜茸1/2茶匙、黑醋4湯匙、糖1湯匙
做法：青瓜用鹽醃10分鐘，之後用水洗淨瀝亁。白米醋/冰糖煮滾熄火待涼，放入青瓜浸3至5小時雪凍。最後將青瓜鮑片相間鋪排上碟，淋上撈勻的汁料。
桂花蜜蓮藕
需時：11/2小時
價錢：$15/6人
材料：蓮藕1節、薏米1/4杯（浸水30分鐘）、冰糖100克、水11/2碗、桂花糖2湯匙、生粉1茶匙
做法：蓮藕拌入冰糖/1碗水，隔水蒸45分鐘，蓮藕待涼後切片，蓮藕汁備用。薏米隔水，加蓮藕汁/半碗水煮30分鐘，加入桂花糖/生粉水煮滾成汁料，待涼後放入雪櫃雪凍。食時將汁料淋上蓮藕片便成。
