網友大約在秋季喺《新華網論壇》話，大陸股民同礦工好似，礦工明知採煤危險，但點解仍然要冒生命危險去做呢？原因係冇錢，搵命博去維持生計。
錢放銀行 一定蝕硬
𠵱家股市熱烘烘，股民夠知道個市升得咁高咁急好危險，隨時都會爆煲，但點解仍然唔識死？
原因好簡單，因為佢哋窮。
𠵱家啲銀行利息低過通脹，財富不斷縮水。老百姓唔係唔知道股市有風險，但係炒股票，你會有機會贏錢；相反放錢喺銀行度，一定蝕硬，與其係咁，倒不如炒吓股博番鋪，就係咁，先至有咁多人蜂擁入市。而且，如果老百姓唔趁住家吓個市旺，賺番啲錢，就會連嗰丁咁多賺錢機會都冇埋。
所以股民同班礦工一樣，明知有風險都仲要去做，因為佢哋知道──貧窮比風險更加可怕。
窮更可怕 迫上梁山
網友愛Nimen對以上嘅睇法好認同：「唔係班老百姓貪心，而係因為我哋太窮！與其窮死，倒不如博吓，明知山有虎，偏向虎山行！呢個唔單止係經濟問題，更加係政治同社會問題。」
亦有網友唔係咁睇，朱門就話：「內地股民咁鍾意炒股，完全係因為中國人嘅賭仔投機性格，點勸都冇用，根本唔理風險，冇有識死。」
http://big5.xinhuanet.com/gate/big5/forum.xinhuanet.com/detail.jsp?id=42963064
報料站
歡迎提供網上財經趣聞，資料一經採用，酬100元。
請附姓名、電話及電郵地址，交[email protected]