霍震霆噚日以奧林匹克委員會主席身份，喺都會海逸酒店出席「2007世界女排大獎賽」宣傳活動。問霍震霆會唔會同朱玲玲睇排球賽，佢話要問吓人先，自己唔可以咁專制。有指佢哋會一齊睇北京奧運，霍生話：「未問到佢喎，唔可以代表佢講嘢。」不過一講到朱玲玲同霍生復合消息，霍生就笑晒口，但又口窒窒話：「今日講番體育啦」。