正大企業上個禮拜向阿媽CPH買咗19間有錢賺嘅蓮花超市，又將自己蝕緊錢嘅11間超市賣晒畀阿媽。噚日華華有機會同新管理層見面，提到單刁，華華最有興趣知嘅，反而係做過沃爾瑪執行副總裁兼首席營運總監JimHaworth，點解舊年9月會加盟正大做執董、首席執行官兼總裁？
Haworth答得非常大方得體，話內地大型超市佔零售市場嘅比率唔夠一成，相信蓮花超市嘅增長潛力好大。之前佢已經係正大嘅顧問，舊年正式加盟，仲話呢份工係一項重大挑戰，但正大有咁多當地有經驗嘅人才，有信心業務做得更好。都好識幫公司宣傳喎。
𠵱家正大會集中火力做好手上嘅40間蓮花超市，上咗軌道後先會再諗擴張。