內地人家吓好捨得使錢，唔少本來做生產、批發生意嘅內地商人睇見都心郁，想走前啲。專做冷凍食品加工嘅第一天然食品，前日成功跨出內地零售市場嘅門檻，喺上海浦東開咗間叫「優百」嘅專賣店，店面有成千八呎，賣貝類產品、海鮮、烤鰻魚、春卷、印度薄餅同魷魚片等，主要針對中高檔消費者。令華華諗起香港嘅大昌食品㖭。
第一天然話，呢次縱向擴展內銷市場，有助為集團開源。而主席楊宗龍（圖中淺色西裝嗰位）喺「優百」總經理吳章盛陪同下主持開幕儀式，仲畀在場嘉賓試食，似乎對自家出品好有信心。
[email protected]