《溏心風暴》令大契（飾演大婆嘅李司棋）人氣急升，佢喺戲裏面講嘅對白，仲成為咗散戶金句，喺《UWants.com》，網友ryan1817就分享咗大契嘅投資金句。
1.「我睇人睇咗幾十年……邊個係人，邊個係鬼，我睇得出！」
睇人同睇股一樣，經驗最重要。
2.「我話係就係，唔使證據。呢度唔係法庭，唔需要證據，我對眼就係證據。」
有時大行出嘅「證據」（報告）都未必靠得住，最可靠係用自己對眼去做分析。
3.「大家喺前門捉賊，你哋就喺後欄放火。」
啲大行通常大大聲叫沽，靜靜雞掃貨，小心！
4.「未登天子位，先置殺人刀。」
千祈唔好未富先驕，吓吓當正自己係股神，要聽教，虛心學習。
小道消息三分假
5.「耳聽三分假，眼見未為真。」
明啦，唔好聽信小道消息，有時圖表係人為陷阱嚟㗎。
6.大契臨死交帶我哋：「哭有時、笑有時、歡樂有時、悲傷有時。」
炒股當然都有時啦，唔好過份沉迷。
http://www.uwants.com/viewthread.php?tid=3994160&extra=page%3D1