「《中大學生報》送檢後，《聖經》又話要送檢，《可蘭經》又要，咁不如每份報紙出街前都送檢啦？條街咁多人講粗口，捉晒啲人送檢啦不如？」果然，有網友建議將否認六四北京屠城及將死難者暗喻為豬的民建聯主席馬力也一併送檢。
提議「將馬力送檢」的網友泊船瓜洲在高登討論區解釋說：「佢最近嘅言論令我好不安，我認為佢冇自由去講有關『六四』嘅言論，因為我哋唔能夠接受佢呢啲犯禁嘅言論。」
「第日要包膠袋」
「咁佢（馬力）第日咪要包膠袋？」「仲要係密封嗰隻。」有網友揣測，假如馬力被判為不雅物品的話，應該有甚麼後果，而泊船瓜洲則說：「好彩班民主派人士支持中大情色風暴班學生，而唔支持馬力啫。」
對此，有網友故意講反話質疑稱：「真的嗎？民主黨一向是泛道德陣營的佼佼者，其保守性可跟明光社相提並論，怎麼會支持《中大學生報》？」
對於聲稱誓要「打沉耶教香港分陀」的網友，「我係差人」指出：「唔關咩教事，唔好又乘機抽人水，係啲大學生輸唔起玩嘢，個『淫檢處』之前個解釋又係戇居，遲早成為國際笑話。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：[email protected]