歐洲各大聯賽紛紛煞科，今日轉吓口味，推介兩場南美自由盃8強次回合：甘美奧對廸芬沙士砵亭同山度士對CF阿美利加。
甘美奧向來主場都有保證，上季喺巴甲，勝出率接近7成，僅次於山度士同聖保羅。今季自由盃主場4戰3勝1和保持不敗，上周喺聯賽，佢哋又以2:0擊敗富明尼斯，主場威力沒法擋。廸芬沙士砵亭殺入自由盃8強，一樣係靠主場，但講到作客，就認真唔掂，4戰1勝3負，入得嗰兩球失咗7球，咁嘅作客表現，點靠得住呀？就算首回合兩球領先都唔穩陣，今場隨時輸波兼出局。
另一場山度士對CF阿美利加，山度士今屆喺自由盃演出神勇，分組賽以全勝姿態晉身16強，至今仍保持不敗。主場更加犀利，4戰全勝！但對手CF阿美利加表現都唔失禮，作客4戰2勝2負，佢哋曾擊敗過8強之一嘅利伯泰廸，可惜首回合主場贏唔到呢！今場要作客，就更加難踢喇！面對上季巴甲「主場王」山度士，輸波亦無話好說。
Phone波熱線︰1831678 開放時間︰11:00pm-0:15am
阿鵬
有線球彩台主持
電郵：[email protected]