華華收到風，恒生投資管理董事兼投資總監謝禮文，喺上個月底辭咗職，𠵱家放緊假，但係未知下一步去向係點；至於恒生會搵咩人代佢，內部人士話都仲未知，事件似乎嚟得有啲突然。
恒生以往經常搵謝禮文做講座嘉賓，或者接受傳媒訪問，喺佢在任時期，恒生出品嘅基金表現唔錯，曾獲得06年最佳表現股票基金等獎項；聽講，謝禮文背後都有成10多人一齊負責砌啲產品。
謝禮文畢業於美國史丹福大學，曾經喺英國任職數量化分析員，佢93年開始正式成為基金經理，後來加入恒生，曾經同張加銘（𠵱家幫玩具大王蔡志明打工）同期工作，直至張加銘走咗之後，謝禮文就向馮孝忠報到。
唔知今次離開，又會唔會好似張加銘咁，幫富豪打工呢？
[email protected]