前阿士東維拉射手安祖，加盟紐約紅牛後即刻有好表現，話說前日紅牛贏哥倫布機員4:0，只係佢第2場為紅牛比賽，但就射入1球同作兩次助攻，威震全場，同佢離開維拉前8場冇波入，簡直係天同地比。過氣英超兵投身美職聯已成趨勢，安祖算係其中一隻開荒牛，睇佢有好個開始，唔知會唔會令更多英超過氣兵赴美發展呢？