意甲最近最無厘頭嘅事當然係古杜連短期內去而復返，重掌巴勒莫帥印，而佢前日一回歸就帶領巴勒莫贏錫耶納，幫隊波攞到下屆歐協盃參賽資格。講真，佢今次食回頭草某程度係為啖氣，你話佢同老闆森柏連尼老友就勢係假。當被問及下季會否留任，佢就暗示未必之餘，仲講咗句：「我唔憂無嘢撈。」似乎係衝住森柏連尼嚟講喎。