貪靚係女人的天性，但最終都敵不過歲月催人，不少中年女士花在護膚品的金錢令人咋舌，但成效存疑。其實有很多食品具抗衰老功效，當然返老還童就冇可能，至少Keep住咪走樣得咁快，老都老得靚啲吖。
記者：林佩婷
攝影：楊錦文
示範：洛堯坊烹飪導師
Josie（34228651）
杏汁浸石斑
需時：30分鐘
（未計浸米及杏仁時間）
價錢：$60/4人
材料：石斑1條（約200克）、杏仁50克、米1茶匙、水1/2杯水、杏仁片適量、鹽少許
做法：杏仁/米浸水2小時，用攪拌機攪成糊後隔渣成杏汁備用。杏汁煮滾，放入石斑煮熟，最後落鹽調味，放杏仁片裝飾。
知多啲：杏仁所含的維他命E，有抗氧化作用，可被人體直接吸收，對抗衰老有一定幫助。
南瓜紫米露
需時：1小時（未計浸黑糯米時間）
價錢：$15/6人
材料：黑糯米1/2杯（浸過夜隔水）、水2杯、糖150克、南瓜400克（蒸熟壓茸）、淡奶適量
做法：黑糯米加入1杯水，隔水蒸30分鐘後焗20分鐘至黑糯米軟身，再加糖75克拌勻。1杯水/糖75克煮滾後落南瓜茸煮至溶化，最後放入黑糯米/淡奶即可。
知多啲：黑糯米含豐富蛋白質，有利增加抵抗力，延遲衰老。
如意素菜卷
需時：25分鐘
價錢：$30/6人
材料：黃芽白5片、蘑菇4粒（切粒）、蘆笋5條（切粒）、白果20粒、金菇1/2包（切粒）、鹽/水/油各少許、蒜茸1茶匙
調味：蠔油1茶匙、鹽1/2茶匙、水3湯匙
芡汁：蠔油1湯匙、生粉2茶匙、水2湯匙
做法：黃芽白加入水/油/鹽灼熟備用。燒熱油，爆香蒜茸，落蘑菇粒/蘆笋粒/白果/金菇粒/調味料炒勻成餡料。將餡料倒在黃芽白中間包好，淋上已煮好的芡汁便成。
知多啲：黃芽白內的纖維素及鈣質，可令骨骼強壯及抵抗衰老。
菠蘿炒魚球
需時：20分鐘
價錢：$20/4人
材料：鯪魚肉100克、菠蘿4片（切粒）、青椒1/2隻、粟粉/油各少許
汁料：菠蘿汁4湯匙、糖2湯匙、茄汁1湯匙、生粉2茶匙
做法：鯪魚肉攪成球狀，沾上粟粉後油炸至金黃色。起油鑊爆香青椒，落汁料煮滾後，加菠蘿粒/鯪魚球略炒後上碟。
知多啲：菠蘿酵素有助消化；維他命C及E可以增強免疫力，延緩衰老。
其他防衰老食品
龍眼：糖份含量高，可被人體直接吸收，為身體提供能量。蛋白質及維他命C增加抵抗力，保護身體機能。
洋葱：所含的纖維防止內臟退化，當中的抗氧化物可延遲細胞衰老。
海參：所含的膠質能令皮膚保持光澤。
