伯明翰下季就會升返上英超聯角逐，至於季尾外借嚟到嘅前曼聯射手高爾，據講領隊布魯士話佢嘅人工太貴，下季會唔會續用佢有啲保留。不過伯明翰主席大衛高特就力撐高爾，話呢位35歲射手貢獻好大，似乎畀緊壓力布魯士。嗰邊約基效力嘅新特蘭同告升班，加埋高爾呢對前曼聯「黑雙煞」，下季英超聯隨時有機會再碰頭咯。