林海峰（Jan）前晚擔任鄭秀文演唱會嘉賓，他再以Sammi與許志安的戀情開玩笑。阿Jan建議東亞購入人氣劇集《溏心風暴》的版權，改編成《東亞風暴》，他說：「Sammi你當然係擔正做大契啦，咁大細契你自己同千嬅搞掂佢，何韻詩做米雪，得得地就畀Leon（黎明）做，佢平時都得得地低低哋。為免你尷尬，唐仁佳唔搵你好朋友（指安仔）做，叫林生（林建岳）做啦。」
阿Jan作歌贈興
阿Jan又創作了一首名叫《十字韌帶》的歌，他即席與Sammi一唱一和：「十字韌帶你真偉大，十字韌帶踢波出界，他斷了（韌帶），點解（係條韌帶），分開了（韌帶），我有點不快，十字韌帶似鮮奶會變壞。」
最後Sammi與阿Jan合唱《其實你心裏有沒有我》，阿Jan又把歌詞改為「若你……有冇回憶安哥」，Sammi便即時唱出「是我回憶太多」。