溏心結局倒數十人誌 大契─李司棋
第一話
李司棋憑在《溏心風暴》中的精湛演技及罵人金句，瞬間成為全城佳話，司棋姐表示為了拍攝劇中的罵人場面，曾經一日罵足11小時，罵到最後竟然頭暈兼聲沙。她又笑言很佩服劇中的大契，因為現實中的她絕對無法跟任何人分享老公。
大契李司棋近日憑無綫劇集《溏心風暴》獲得大量劇迷支持，雖然劇中的大契凌巧甘願與細契王秀琴分享老公，但司棋姐表示現實中根本不能如此理性地處理這種事，她說：「如果現實中我真係大契就冇戲睇喇！就算我應承個女人畀佢嫁我老公，之後我又死唔去，咁我最多只會畀佢喺出面置頭家，點會畀佢搬入嚟屋企住，邊個女人可以真係同人分享老公呀？」
欣賞陳豪演技
司棋姐在劇中留下不少教人一聽難忘的罵人金句，但她表示罵人對她而言其實十分困難，她說：「鬧人真係好有難度，我本身會將劇本讀得好熟，所以好少NG，我拍嗰陣真係鬧到頭暈，試過有一日由晏晝3點鐘鬧到凌晨兩點，真係搞到我人又暈、把聲又沙，可能我平時真係好少鬧人啦，但係現實中我都唔係好蝦㗎。」
大契一角在28集時已因肝癌病逝，令不少劇迷深感可惜，但司棋姐表示此角色絕對有死的必要，她說：「都差唔多喇！只有我死咗成頭家先會冇王管，其實有幾長命都冇用，最緊要發揮到自己本身嘅作用最重要。」
雖然《溏》劇中一班老戲骨的出色表現最為搶鏡，但在一眾年輕演員中，司棋姐大讚陳豪演技出色，她說：「佢做戲好穩陣，唔會太過火，而且表情好到位。」
採訪：王崇穎 攝影：葉君海
