鍾嘉欣和黎諾懿近期均憑參演無綫劇《溏心風暴》人氣急升，但私下向來平民的鍾嘉欣，依然貫徹慳家本色，日前特別抽空到銅鑼灣享用贊助商提供的免費facial扮靚靚；至於近朱者赤的黎諾懿，也被這位慳妹拍檔感染，平日搭地鐵代步，吃的則是美食廣場廉價餐。
鍾嘉欣在《溏心風暴》中飾演愛錢如命的常在心，現實中的她也絕非大花筒，生活十分平民化。日前她出席宣傳活動後，即到銅鑼灣信和廣場一贊助她扮靚的美容中心做facial，至晚上8時許才獨自離開，鍾嘉欣沒有助手或友人相伴，獨自挽着一袋重物顯得有點狼狽，加上她一面茫然，明顯在鬧市中迷路，恍如盲頭烏蠅。
煮嘢服侍男人
不過鍾嘉欣未有半點明星架子，邊行邊向途人問路，行到身水身汗，才抵達翡翠明珠廣場一餐廳會合友人。其後記者致電鍾嘉欣，她對在銅鑼灣迷路一事笑說：「唔記得點去間舖啫！」有指其生活十分慳儉，她則說：「我都鍾意買嘢，但買啲嘢好平。嗰日係去贊助我嘅美容中心做facial，因為之前拍劇都冇乜時間做。」
扮完靚後，最近頻頻出席宣傳活動的鍾嘉欣，昨日在電視城錄影《星級廚房》，她甚為好學，不停問周中師傅如何炒菜，她說：「初入行都有煮，後來比較忙都好少煮，我對煮嘢好有興趣，第日要用嚟服侍男人，我知道入得廚房出得廳堂，奶奶就最鍾意，所以大家都可以考慮吓我。」
另一方面，在《溏》劇中飾演細契兒子唐至歡的黎諾懿，近得鍾嘉欣這慳妹多，也同樣生活甚慳。上周四他在杏花邨出席活動後，即偕女助手搭地鐵往尖沙嘴DKNY睇衫，再往商場的美食廣場醫肚。
餃子飯糰醫肚
現場見黎諾懿非常肚餓，三度購買食物，包括兩碟日式餃子、飯糰、蝦餅和凍飲等，埋單100元有找，吃飽後，他折返DKNY買了幾件恤衫，再到海港城的香港唱片齋逛，而翌日記者又在旺角地鐵站遇黎諾懿搭地鐵，可見其生活相當節儉。
採訪、攝影：娛樂突發組
