「基佬瘋」之前扮有骨氣拒簽大台，佢恃住自己開始彈起，諗住靠自己都搞得掂，結果搞到大台唔撐佢之餘，連佢經理人都怕佢自大，將佢賣畀內地經理人公司。
基佬瘋仲未識驚，仲諗住可以搞新聞谷人氣，佢踩完「軟飯王」同「唱K」之後，本來佢拍新劇想搞「聰明馬」，周圍同人講話佢個人鈍兼做戲屎，但因為聰明馬雖然鈍鈍哋，但勝在同記者關係好，公司鬼咁錫佢，一向又冇負面新聞，所以基佬瘋驚弄巧反拙，惟有轉軚搞姣婆「印娃」，點知印娃倀雞到爆，基佬瘋撼埋去都係冇着數。不過好笑嘅地方係被佢唱完嘅人，個個人氣不跌反升，惟獨佢自己繼續谷極唔起，真係得不償失。
Textby關仁