熊黛林、馬詩慧與其7歲兒子昨日在銅鑼灣舉行的「SOGO迷你雙生兒catwalk大賽」中任評判，現場有10對孖仔孖女行騷，熊黛林見到可愛的小朋友，不時大讚他們可愛，問到她有否心動一嘗做母親滋味？熊黛林即說：「我諗住30歲之後先打算生小朋友，暫時都唔會住，覺得自己未夠成熟，做媽媽心理上要準備得好好，我𠵱家仲係似一個細路仔。」
有記者問熊黛林打算找誰做爸爸，緋聞男友郭富城夠不夠成熟？她即嬌嗲說：「𠵱！唔講啦。」記者再問是否城城不夠成熟？她說：「唔係佢，係我唔夠成熟呀。」
馬詩慧仲想生
馬詩慧見到行騷的小朋友只得幾歲，即說：「呢段時間嘅小朋友最好玩，我最細個仔都成7歲，𠵱家我啲小朋友大晒，好有自己主見，打又唔打得，鬧又唔鬧得，好難教。」她生了三個小朋友，有否打算再生？她笑言：「我OK㗎！」
採訪：吳天慧 攝影：陳慧安
