性感女神周汶錡出巡，即引起大混亂！今日生日的她昨日到葵芳新都會廣場出席活動，吸引三名男fans包括「四眼中坑」、「啤酒男」及「背囊男」在場叫囂，需加派保安護駕。其中「背囊男」為博周汶錡注意，更搞笑地慢動作扮跌倒，可惜人太多周汶錡未有留意到。
今日33歲生日的名模周汶錡（Kathy），昨日在葵芳新都會廣場出席「Bella迎夏美肌大召集」活動，大會事前聲稱她會以火熱沙灘look示人，但最後只見她在白衣及白短褲外加一條彩色裙子，性感度大減，不過仍吸引大批市民圍觀，其中不乏騎呢男fans，包括一名穿橫間tee的四眼中坑，一名身穿格仔衣、手持啤酒罐的「啤酒男」，及一名穿白衣的「背囊男」。
狂迷忽然大叫
當大會提早為Kathy切蛋糕慶祝生日時，「四眼中坑」在人群中揮手高聲大嗌：「Kathy！HappyBirthdaytoYou呀！」其後一名喝啤酒的「啤酒男」又大嗌：「周小姐多謝你，你好靚呀！」在台上的Kathy即時回應他說：「你咁早就飲啤酒，睇你都好健康！」
其後「四眼中坑」更成功混入記者群中，他拿着手機狂影Kathy，後來被保安發現請他離開。
活動結束後，兩名保安護送Kathy離開，此時一名穿白衣的「背囊男」死跟Kathy，希望能與她合照，但現場人太多，不得要領下他竟然以誇張慢動作扮跌低，由於Kathy根本看不到這一幕，「背囊男」最終無功而還。
生日樂做善事
問Kathy會否怕fans過份熱情？她說：「唔驚，現場有保安嘛，佢哋唔係好過份啫。」問到生日願望，Kathy表示會繼續支持培苗慈善機構，她說：「所以我叫咗朋友、fans同男友唔好送禮物畀我，一律折現做善事得啦，我下個月23號仲會幫培苗出街賣旗。」
此外，近日模特兒貝安琪與Bella合作弄得不愉快，最終鬧上法庭，對此Kathy說：「人哋嘅嘢我唔清楚，不過Bella對我好好，每年都加我人工。」
採訪：DebbieLum
攝影：ChenWaiOn
