娛樂怪史:劉永襲妻自斷婚姻

娛樂怪史:劉永襲妻自斷婚姻

時間:84年8月26日

人物:劉永、戴良純

地點:台灣

經過:武打影星出身嘅劉永,00年7月被傳虐打太太黎燕珊,又傳因為有第三者關係,搞到黎燕珊向佢提出離婚,雖然後來黎燕珊開記者會否認俾劉永虐打,話同對方喺和平氣氛下分開,不過劉永早年有打妻子嘅前科,仲打到對方入醫院咁嚴重。
84年8月26日,劉永喺台灣同結婚一年嘅太太戴良純發生爭執,其間佢用叉同鉸剪襲擊太太,令戴良純身體多處受傷,其中左邊面嘅傷痕仲有成7吋長。之後劉永接受傳媒訪問時解釋,佢想戴良純留喺香港陪佢,但對方唔肯,堅持要去美國,佢懷疑太太有追求者,於是飛到台灣向太太跪地箍煲,喺神志唔清醒嘅情況下,佢用利器將太太插傷。
戴良純養傷期間,劉永幾次喺報紙寫公開信,希望太太回心轉意,但戴良純就話傷害佢到咁嘅田地,永遠都唔會原諒佢。之後,戴良純父母以「殺人未遂罪」起訴劉永,台灣方面禁止劉永出境,後來經雙方朋友調停下,佢哋終於簽下和解協議書,劉永同意支付戴良純醫療費同整容費650萬新台幣(約162萬港元),以及無條件同意離婚,件事先至告一段落。
本欄逢周一至周六刊出

劉永之後同黎燕珊結婚,但00年傳出因虐妻搞到離婚。