一度傳緋聞的陳法拉及黃宗澤昨日分頭搵真銀，陳法拉夥同模特兒莊思敏在apm商場扮夜貓大使，黃宗澤則在尖沙嘴被LisaS.「黐鬚」扮老竇。問陳法拉選男友條件，她指靚仔當然好，那要否像黃宗澤般靚仔？她即決絕說：「總之佢noway！」
因無綫劇集《溏心風暴》大收，接連有機會搵真銀的演員如陳法拉及黃宗澤，昨日分別出席不同活動，陳法拉夥同模特兒莊思敏及周倩圯在apm商場出席「夜行電玩爭霸戰」活動，法拉與莊思敏扮成夜貓大使。
「總之noway」
記者指陳法拉的衣着不及另一位夜貓大使性感，她說：「啲衫係大會安排嘅，人哋（指莊思敏）咁高身材又好。」她表示以前的ABC男友不算是打機迷，兩人最終因為性格不合所以分手，她並強調現在沒有拍拖，問她選擇男友條件是甚麼？她說：「最緊要啱feel呀，靚仔就當然更好啦。」問她靚仔程度要否像與她傳緋聞的黃宗澤？她說：「唔使啦。」記者指她這樣說是否即叫黃宗澤「慳啲」？她笑說：「總之佢noway啦。」
黐鬚似綁架
另一邊廂，黃宗澤與LisaS.在尖沙嘴出席「大埔超級城新地國際爸爸鬚」活動，LisaS.幫黃宗澤黐鬚「扮老竇」，事後黃宗澤笑說黐上假鬚好像被綁架，透不過氣來。來自單親家庭的他表示與父親關係很好，他說：「爸爸成日想話去馬來西亞旅行，我打算出錢請佢去囉。」
LisaS.則透露男友吳彥祖現正在紐約修讀戲劇課程，她會於下月往當地探男友，然後7月一同返港，她表示十分掛念男友，更癡纏地說：「我真係掛到佢不得了呀。」
採訪：GeneNg
攝影：ChanShunChing、MatthewLam
