謝天華和艾威在劇集《師奶兵團》中，分別扮演鄧萃雯和商天娥的丈夫，兩位師奶背後的男人各有生活壓力。天華扮演一名家品代理公司營業經理，是好老公也是一對龍鳳胎的好爸爸，家人卻不知道他有易服癖，愛扮lolita。
艾威受誘惑
問到天華接演此角色時如何衝破心理關口？他昨日在電話中說：「我最初都幾抗拒，但演員要做多方面嘗試，記得第一次着裙時，因為裙底下空洞洞，同着褲嘅感覺好唔同，令我好冇安全感，自己都起晒雞皮。有時啲麻甩佬昅我就最尷尬，佢哋啲眼神真係好似望緊女人咁，不過拍呢套劇又真係過足戲癮。」
從未擔正男主角的艾威，今次扮演的裝修工人角色卻孭重飛，他昨日說：「呢次好多謝公司畀機會我，我個角色稍後會有經濟困擾，然後又受唔住誘惑，男人好多時喺呢個情況下定力都差啲。」
採訪：比華利