《師奶兵團》播出一周收視理想，劇中3位師奶鄧萃雯、商天娥及葉童的演技也備受師奶關注，記者昨日進行街訪時，不少師奶大讚雯女及娥姐表現出色，卻嫌葉童太做作。
冼女士：
我覺得商天娥做得好好，真係好似一個師奶，鄧萃雯都唔錯，不過比較之下商天娥嘅造型似師奶多啲，套劇好啱我哋睇，比較草根階層，所以會入屋多啲。
郭太：
我鍾意鄧萃雯多啲，佢做戲好自然好似一個師奶，我本身有睇開佢嘅戲，三個之中最唔想睇葉童，佢演技比較作狀，講嘢又高音，不過成套劇都好有師奶感覺。
馬太：
我鍾意睇鄧萃雯做戲，本身都有追開佢拍嘅電視劇，佢做乜嘢角色都好自然，今次演師奶都可以反映到師奶嘅心態，成套劇好有戲味。
