日本護膚品牌Menard昨日在尖沙嘴舉行新店開幕禮，陳法拉、甄子丹太太汪詩詩、汪圓圓兩姊妹齊以性感吊帶裙任嘉賓。見汪詩詩發福不少，她笑着直認有喜說：「係呀，肥咗20磅，因為我有咗BB！之前一直話要生金豬，但老公拍戲好忙，時間好難就，點知上個月去美國探親，先發現有咗3個月，老公好開心。」
老公追功夫仔
問汪詩詩懷孕有否不適？她說：「有呀，今次嘔得好犀利，啲人話咁即係生仔，我自己想要女，不過老公話若果再生女，就要我再追一個仔，佢想教佢功夫。」問她懷孕初期已增磅20磅，豈非很快超磅？汪詩詩說：「我上次陀女180磅，今次都希望順產啦，囡囡好心急，𠵱家晚晚都摸住我個肚，仲幫BB改咗名，話若果係妹妹就叫Janie，弟弟叫James。」
採訪、攝影：GeneNg