早排講過法拉利慶祝60周年，而豐田亦都70大壽。一個係SuperCar大哥大，另一個係世界第一大車廠，生日咁大件事，當然無人會唔知，之但係呢個世界仲有好多默默耕耘嘅車廠不求顯赫輝煌，但求貢獻社會，今年100周年嘅Daihatsu就係其中一位。
無聽錯，今年的確係Daihatsu100大壽，佢創立於1907年，創社口號係「要製造受世人愛戴的小型汽車」，講白啲就係造啲實用又平價嘅車種，當中最經典嘅莫過於Midget，佢係超平價嘅商業用車，當年戰後日本唔少舖頭就係憑住呢部平價車嚟做生意，所以Midget對日本經濟的確貢獻良多。至於今時今日Daihatsu擺大壽又有乜搞作呢？唔係大排筵席，而係送贈100部傷殘人士用嘅福祉車畀日本各地政府，你話點到你唔感動！
悠穎馳
豪邁不羈，愛車如命，聽幾下引擎聲就知咩車！