老婆大人:
啱啱要你傷腦筋絞盡腦汁慶祝我哋結婚一周年，𠵱家又要你幫吓手諗吓計送咩禮物𠱁吓老竇！平時我哋咁少陪幾位老人家，今次不如就同佢哋一齊去旅行，等佢哋可以日夜對住我哋啦！你咁聰明，應該難你唔倒，我自會以經濟同行動來支持你，唔使同我慳，最緊要我老竇同你阿爸開心滿意，一切由你話晒事！ 老公仔
記者：梁美甜
至啱愛掃貨的老竇
大mall咪錯過 阿爸一樣愛掃貨
老公，你老竇同我阿爸兩個都係鍾意旅行嘅大細路，又鍾意食又鍾意周圍走，仲鬼咁鍾意shopping，我哋屋企多不勝數的砂煲罌罉、衣服鞋襪咪全都係佢哋嘅傑作囉，雖然全都收歸「櫃桶底」，但就知道佢哋兩個有幾鍾意shopping，不如安排個瘋狂購物團畀佢哋啦！歐洲團雖然大路，但勝在兩個都未去過，但橫掃歐洲七個國家，由意大利掃到去英國，咩名牌都可以一次過買得晒，旅行團仲會停巴黎兩日，你都知我都算熟悉巴黎香榭麗舍大道，名店型格小舖我都瞭如指掌，行得累了可以一齊去露天咖啡店歎杯咖啡，你記得老竇勁讚我哋上次在巴黎買給他的espresso咖啡粉嗎？一於讓佢親自感受巴黎呢個購物品味之都啦！怕坐長途機的話，去泰國都一樣得，曼谷的CentralWorld有東南亞最大shoppingmall美譽，單係佢就已經有超過500間shop，連埋周邊的SiamParagon、MBK等等，至啱shopping之餘鍾意講吓價嘅佢哋啦！不過係咪連我嗰份都入你數先？
歐洲七國：意大利、梵蒂岡、瑞士、法國、比利時、荷蘭、英國11天皇牌精選假期
出發日期：6月12、19、21日
價錢：$17,699起，早20天報名每位可減$300
查詢：29288882（永安旅遊）
曼谷SiamParagon時尚購物城、芭堤雅奇趣老虎樂園5天超值抵玩團
出發日期：6月15至17日
價錢：$1,699起
查詢：21088888（康泰旅行社）
至啱識歎的老竇
火車遊酒莊 住古船海上夜遊
平時佢兩個都鍾意摸吓酒杯底，帶佢哋去酒莊飲餐飽都好，仲可乘坐酒鄉專車暢遊娜帕山谷，欣賞葡萄園再探訪酒莊，兩位老人家隨時變品酒專家。行程仲安排去拉斯維加斯及三藩市，探埋移咗民嘅姑媽都得。
若嫌美國太遠，可選較近的度假勝地峇里，呢個峇里5天團，獨家安排上木製的星海郵輪黃昏遊兼過夜。70Star星海郵輪係以古代神話的造船技術為基礎，配合現代技術製成的仿古木製大郵輪。相信兩位老人家坐在甲板上，就算無魚釣都一樣咁享受。
美國西岸10天酒莊之旅
出發日期：6月2、9、16、23及30日
價錢：$15,398起，5月31日前報名每位減$500
查詢：28080833（勝景旅遊）
峇里島5天豪華精選
出發日期：6月15、16、18及20日
價錢：乘國泰$3,299起，若改乘馬航$2,799起
查詢：27222888（新華旅遊）
至啱貪玩好奇的老竇
以色列探秘 北海道遊花海
我知道你老竇每星期都會上教堂做禮拜，相信佢對宗教聖地以色列都有興趣，我阿爸就對歷史風景鬼咁趨之若鶩，話晒成本《聖經》入面嘅古仔都係喺嗰度發生，仲連年戰亂不斷，無論社會、宗教、人民，連建築方面都有源遠流長嘅歷史。我仲記得阿爸睇電視，見到蔡少芬背十字架行苦路時話好感動，如果自己可以試一次，感受一下就好啦，要佢背個十字架行條咁長嘅路，我同你都會肉痛，不過可以俾佢確切咁接觸「聖地」亦未嘗不可。又或者可以選擇行吓街、賞吓花都得，我知佢兩個不嬲都有種開小盆栽，相信都好鍾意花花草草，近近地的北海道有好多靚花公園，好似芝櫻村、荷蘭鬱金香公園、北海道神宮等等，可以一次過欣賞唔同嘅靚花。累了又可以浸吓溫泉，之後再去攝氏零下41度冰之美術館，滿足兩個大細路的好奇心。老公仔，你覺得呢？
以色列8天聖地遊
出發日期：6月6、13、20日
價錢：$12,998起，5月28日前報名，每位減$1,000
查詢：27350222（捷旅假期）
北海道5天賞花之旅
出發日期：6月16、17日
價錢：$6,899起
查詢：27222888（新華旅遊）
父親節去旅行 爸爸有禮
父親節將至，好多旅行社都會為此表心意，好像送吓花同朱古力，又或者在旅途上送個父親節蛋糕畀全家一齊享用，有的更有折扣優惠㖭，詳情可以致電查詢。
送朱古力及蛋糕
康泰旅行社（21088888）
送花及健康產品
星晨旅遊（25198088）
