點解人哋咁有錢，我咁窮？原來係同你嘅思維方式有關，窮人同有錢佬諗嘢有乜唔同，以下節錄咗幾點可以慢慢研究。
信自己一心向上
窮人：好少會諗點樣去賺錢，深信自己窮足一世，唔會有機會發達。
富人：骨子裏就深信自己生出嚟唔係窮人，有強烈嘅賺錢意識，會想盡一切辦法令自己發達。
分析大局揀嚟學
窮人：學手藝，俾人管，工字冇出頭。
富人：學管理，一步步向上爬做人上人。
休閒時不忘搵錢
窮人：喺屋企睇電視，會睇到喊，仲會模仿電視劇裏面嘅角色同打扮。
富人：寧願睇吓個市，即使打高爾夫球，都會帶住份公司合同隨時昅吓。
結識權貴善交際
窮人：窮人圈子大多數都係窮人，兼憎人富貴，久而久之，心態係窮人嘅心態、思維係窮人嘅思維，圍埋一齊就講邊度買嘢有折頭，點樣慳錢，雖然有利於訓練生存能力，但眼界只會停留喺啲瑣事上面，冇晒雄心壯志。
富人：鍾意結交嗰啲對自己有幫助，可以提升自己嘅朋友，第日可以帶挈自己，碌人情卡都有啲剩餘價值。
投資要萬本萬利
窮人：使少啲就當賺咗。有錢都唔捨得拎出來，即使下定決心投資，最終都係冇勇氣冒風險，一本萬利？只係停留喺個腦度幻想吓。
富人：出發點係萬本萬利。
精明消費捨得使
窮人：買名牌係為咗滿足感，相信貴必然係好。
富人：買名牌係為咗節省挑選嘅時間；同售價相比，佢哋更在乎產品質素，寧願買15元嘅純棉T恤，都唔會買昂貴嘅萊卡製品。
報料站
歡迎提供網上財經趣聞，資料一經採用，酬100元。請附姓名、電話及電郵地址，交[email protected]