王家衛前晚在康城為新片《MyBlueberryNights》接受訪問，問他有否跟評審好友張曼玉交流？他說：「冇，評審點可以同參賽者交談？」對於有報道指祖廸羅（JudeLaw）和NorahJones在新片中拍接吻戲時錫了150次，他笑說：「冇咁多，誇張咗，想拍好啲啫，錫多啲味道會越嚟越好。」
財爺籲影人團結
此外，財爺唐英年親到康城為港片打氣，昨午他與貿易發展局總裁林天福、影視處處長黃浪詩和電影發展局主席蘇澤光等齊參觀港片攤位，同行的康城電影市場主席Jerome駐足寰宇攤位時，對彭氏兄弟的電影甚好奇，財爺即為他介紹。
其間財爺遇上驕陽高層徐小明和杜琪峯，財爺說：「香港電影有基礎可以發揮，團結好緊要，唔係好難打出去。」阿杜笑說曾跟財爺提過拍片要求，他說：「講咗啦，財爺做到啦，佢成個喺度，仲唔夠咩？」