美國大選係燒銀紙嘅遊戲，無番咁上下身家都玩唔過。民主、共和兩黨角逐總統提名嘅候選人，都要向聯邦選舉委員會申報家產，最少有10人係百萬富翁，前紐約市長朱利亞尼（RudolphGiuliani）仲係千萬富翁㖭，佢喺過去16個月單係演講已經袋走1,610萬美元（1.25億港元）。不過身家最豐厚嗰個係共和黨嘅羅姆尼（MittRomney），估計有成2.5億美元（19.5億港元）。總統喬治布殊都有申報資產，累積至舊年，身家大約2,000萬美元（1.56億港元），不過拍馬都追唔上副總統切尼（DickCheney），估計身家可能高達1億美元（7.8億港元）。
美聯社/英國《蘇格蘭人報》