第60屆康城影展昨日凌晨以王家衛執導的首齣西片《MyBlueberryNights》揭開序幕，畀面出席行紅地毯的中外嘉賓多不勝數，不過論到搶鏡，中港台三地代表鞏俐、張曼玉和舒淇均打扮得性感美艷，力壓一眾外國女星如NorahJones及法國女星茱麗葉庇洛仙等。 康城直擊
今年康城影展為慶祝60周年紀念，特別選了華人導演王家衛執導的《MyBlueberryNights》為揭幕電影，為支持這位華人大導演，鞏俐、張曼玉（Maggie）和舒淇均盛裝赴會，三人更不約而同以大露背裝示人。不過行紅地毯時，Maggie由法國品牌Givenchy贊助的露肩晚裝因裙襬太長，令她數度踩到裙腳而差點失去重心，幸好沒有跌倒，相信她也想不到會出現這麼狼狽的場面。
香港製造
「係對華人導演嘅肯定」
鞏俐和舒淇的大露背裝同樣由意大利名牌RobertoCavalli贊助，中外傳媒對二人的玉背特別感興趣，不斷示意她們側身拍照，三位來自中港台的女星，風頭力壓國際級明星如NorahJones、法國女星茱麗葉庇洛仙（JulietteBinoche）、伊莉莎伯凱莉（ElizabethHurley）及安廸麥杜維（AndieMacDowell）等，為東方女星爭一口氣。一眾東方女星中，在荷李活發展多年的首映禮攝石人白靈同樣令人「眼前一亮」，她穿上一襲粉紅低V裙到場，卻配以毫不搭調的黑色手指甲和腳甲，品味非常獨特。
是夜主角王家衛差不多在開場前15分鐘，始與《MyBlueberryNights》兩位主角NorahJones和祖廸羅（JudeLaw）趕抵會場，一行人來得這麼遲，主要是因香港貿易發展局在行紅地毯前一個小時，在王家衛下榻的酒店為該片舉行了一個預祝會，張震及貿發局總裁林天福也有到場。
身穿LV西裝的王家衛在預祝會上說：「呢部片雖然係一部英文片，但出品係香港同法國，所以部戲可以成為康城60周年揭幕電影，係證明大會對華人導演嘅肯定，所以我感到好光榮同開心。」祖廸羅則表示與王家衛合作感到很開心和放心。
同一角色
「祖廸羅較偉仔有活力」
此外，昨日王家衛又帶領兩位主角接受部份中外傳媒專訪，有記者提到其新片在博彩公司開出的賭盤中，以10倍賠率成為奪金棕櫚大獎頂頭大熱，王家衛笑說：「賠率日日唔同，講呢啲冇意思，我係有信心攞獎，但我最想NorahJones同JudeLaw可以得獎，因為佢兩個表現好好，特別係Norah，佢第一次拍戲就有咁好嘅表現。」
王家衛自稱新片是《花樣年華》延續篇，問到祖廸羅的角色是否有梁朝偉影子時，他笑說：「佢兩個的確係演同一個角色，不過偉仔演戲風格較內斂，祖廸羅比較活力充沛，雖然演繹手法有強烈對比，但兩人同樣係好演員。」
NorahJones昨日凌晨看完首映後，她說：「看完這部戲很興奮，同時好享受這個過程，不過要與這麼多人一起看首映，實在有點兒不習慣。」祖廸羅則說：「王家衛將一個平面劇本拍得活靈活現。」
採訪：何永寧 攝影：葉君海
鞏俐高貴大方
行頭：RobertoCavalli
Nelson服裝評：鞏俐打扮好突出，髮型同化妝都好襯，散發高貴大方感覺，佢揀綠色配金色嘅晚裝，襯埋佢咁白嘅膚色好好睇，唯一係肥咗少少。
曼玉髮型唔掂
行頭：法國品牌Givenchy
Nelson服裝評：曼玉嘅晚裝好簡單，所以就算對手戴多啲飾物都唔會累贅，反而我嫌佢髮型太簡單，同平時一樣，佢可以試吓換髮型，咁成個look會唔同晒。
舒淇性感誘人
行頭：RobertoCavalli
Nelson服裝評：舒淇着呢件衫好靚，因為佢身形好好，有時女仔性感唔一定要賣胸，未必要唧胸先叫靚，舒淇個背脊一樣好誘人。
祖廸羅毫無驚喜
行頭：Dunhill禮服
Nelson服裝評：着得冇驚喜，都係着番一貫嘅禮服。
NorahJones打扮老土
Nelson服裝評：件晚裝好老土，完全冇特色，打扮好娘，領口又高，一啲都唔靚。
白靈須換個頭
Nelson服裝評：
我覺得佢件衫個款同顏色都好清新，但係着喺佢身上完全冇晒呢啲氣質，個髮型似埃及妖后，最好係佢換咗個頭，咁就靚晒。
