內地零售概念當炒，隻隻閒閒地都有成50幾倍PE，真係咁好景？國際管理諮詢公司麥肯錫話，好多內地零售商都唔係咁賺錢，有啲仲蝕錢㖭！佢哋雖然知道內地消費者想買乜嘢，但就唔係好了解消費者嘅消費模式喎。
麥肯錫前排做咗個大型調查，訪問6000個中國、巴西、俄羅斯同印度嘅消費者，探討佢哋嘅購物態度，又走訪2000個美國同法國嘅消費者比較。結果發現，好多內地零售商都犯咗唔明白消費者口味、揀錯舖位同規模過大等問題。
麥肯錫大中華區包裝品同零售諮詢業務負責人陳維贊話，內地零售商若果可以嘗試吓，針對性咁改變銷售模式，例如改裝間舖，相信可以大大提高銷售額，唔使夾硬喺銷售額較差嘅二線城市大肆開分店。
各大內地零售集團老總，點睇呢？