潮玩界中「聖衣新話」一直粉絲多，的確，但冇最初十二宮和青銅聖衣般瘋狂，炒價亦已回落。取而代之，近期熱賣是價錢只有它三分一的RevoltechFigure，玩家稱為「山口式」。5月正係Revoltech一周年，新出的26、27號及Saber，已進入次世代發展。第一代的，拍賣網上越炒越貴，有粉絲不計付出，誓要集齊心頭好，37隻一次過晒冷，Patrick和Shinji話滿足感爆燈！
記者︰陸俊雄
攝影︰何家亮、譚盈傑
組EVABolg猛料放送
Shinji是中四學生，每月最少花千元買EVA。由上年6月開始買，訪問前一日，他剛花$700買了3隻透明版和最新26和27號。聽起來只買EVA不算多，但翻查整個系列，6隻普通版、1隻山下限定、1隻夜光、4隻透明、最新出的2隻，已是14隻，而且亦是眾多中最貴，花費大約$2,500。對EVA着迷達神級的Shinji笑言︰「所有figure都是用兼職賺嘅錢買，而且仲同朋友自組EVABlog，定期將最新資訊發布。」
太愛EVA都要買
「第一代完結時，我想過停……但當我見網友將新figure相片放上網，擺出高難度動作，最終抵唔住誘惑行街買咗。」剛訂了一隻還未取的Patrick話︰「我由上年11月開始買，至今約花咗$5,600，買咗共37隻。Revoltech特別在包含多套動漫，有人因《三一》而買，但全部買齊唔多，所以我好有滿足感。」的確，收藏玩具已經唔只係錢和有冇地方擺的問題，堅持下去更不簡單。如「山口式」中佔最多的EVA，他坦言認識不深，但為集齊照買可也，而花最多錢的一隻，要算是在「美國玩具展」推出的EVA初號機夜光版，當時買約要$600。
「山口式可動」揚名美國
「山口式」是指由海洋堂御用原型師山口勝久設計的產品。山口在93年加入海洋堂，初期做手辦為主，後期着手研究figure的關節，結果01年憑《槍神殺手》的MonevtheGale，一個figure內含27個關節，被美國選為最佳玩具，自此揚名天下。06年5月海洋堂推出Revoltech的figure系列，集古今動漫角色，如《三一萬能俠》、《新世紀福音戰士》（EVA）等，除有招牌斜cut關節，更有新開發的球體關節，突破可動局限。加上普通版以1,995日圓低價作招徠，好快成為潮玩界新寵兒，到現時出了38隻。
普通版英格倫當炒
「山口式」有普通版和特別版之分，特別的如加盟店馬格斯、山下版EVA初號機等，限量版更可炒上最少$250隻。別以為少貨才炒，普通版中《機動警察》1號機英格倫、帝王萬能俠和第一隻Revoltech《三一萬能俠》的1號，都炒上2字頭，升幅達1倍幾。Patrick︰「其實早買都只係$100一隻，唔似超合金咁貴，玩爛氧化仲好肉痛。山口式全部膠嚟嘅，又可做到好多超合金做唔到嘅動作，好抵玩。」
新貨Saber 銷量10萬
Revoltech「山口式」自上年5月推出以來，單計普通版，頭25隻屬第一代。今年5月初推出Saber，近日再出26號EVA量產機和27號EVA貳號機緊張形態，兩隻都源自97年劇場版《TheEndofEvangelion》，其中Saber銷量驚人。日本玩具雜誌顯示Revoltech每款平均賣2萬隻，Saber則賣出10萬隻，比一般只賣4千隻的少女PVCfigure多好多。Patrick說︰「第一隻女角動畫《BlackLagoon》中的Ravy，質素一般，但基於試驗性質產量少，反而由$100炒上$180都有市。」對比Ravy，Saber無論樣貌、關節隱瞞性都大躍進，所以造就熱賣10萬隻的成績。
次世代關節顏色配對
另外最新出的26和27都屬EVA系列，原因同9月推出新劇場版有關。26號本身推出了兩款，分為普通翼版和武器限量版，日本方面是同價，但一到港，後者由$90炒過$300，Patrick指︰「次世代特別在關節顏色配合，如量產機全身白色，關節就用白色。」過往只有加盟店限量版才有配色關節附送，現在則在次世代出現，粉絲想唔乖乖畀錢都難。
