每年五、六月是加州士多啤梨的當造期，粒粒紅噹噹，大過個乒乓波，賣相吸引，營養價值十分高，所含的維他命C、葉酸、抗氧化物等抗癌三寶，促進健康細胞再生過程，同時可穩定自由基，阻止自由基侵害正常細胞，減低患大腸癌及食道癌機會；葉酸則可減低血液內「同半胱胺酸」的含量，有助降血壓、減低患心臟病機會。既然咁有益，一於用嚟煮幾味，啱晒炎炎夏日。
記者：趙珮倩
攝影：譚盈傑
咕嚕啤梨骨
需時：30分鐘（不計醃肉時間）
價錢：$40/4人
材料：士多啤梨6粒、豬肋骨6至8件、青/紅椒各1/2個、炸漿1/2杯、糖醋汁5湯匙、鹽/糖各1茶匙、菠蘿1片（切粒）、米粉適量
做法：豬肋骨先以鹽/糖/菠蘿粒醃2小時，放油鑊以慢火油浸15分鐘至熟，盛起備用；米粉放滾油炸1秒後撈起伴碟；士多啤梨蘸上炸漿炸至金黃撈起上碟；青/紅椒切粒炒熟，下糖醋汁煮熱，肋骨回鑊兜勻上碟。
貼士：炸漿預先雪一晚，炸出來會更薄更脆口。
火紅牛柳串
需時：15分鐘（未計醃肉時間）
價錢：$45/4人
材料：士多啤梨10粒、牛柳100克、青椒1個、洋葱1/2個、鹽1/2茶匙、糖/生油各1茶匙、胡椒粉/麻油各少許
做法：牛柳以鹽/糖/胡椒粉/麻油/生油醃30分鐘，然後以大火炸約30秒撈起備用；將青椒/洋葱切方形，與牛柳/士多啤梨相間串起，放焗爐以120℃焗5分鐘即成。
紅丹心雙脆
需時：15分鐘
價錢：$80/4人
材料：士多啤梨6粒（開邊）、蜜豆100克、紅蘿蔔片/薑片各少許、中蝦8隻、鮮魷200克、生粉適量
調味：鹽1/2茶匙、糖1茶匙、麻油/糖醋汁各少許
做法：中蝦去殼挑腸，上生粉再沖水；將鮮魷/中蝦走油撈起備用；爆香薑片，下蜜豆/紅蘿蔔片炒3分鐘，鮮魷/中蝦回鑊兜勻，下調味及士多啤梨略兜上碟。
海蜇雞絲啤梨涼拌
需時：45分鐘
價錢：$50/4人
材料：鮮雞1/2隻、即食海蜇200克、士多啤梨4粒（切片）、麻醬6湯匙、粗鹽適量
做法：鮮雞內外塗上粗鹽醃勻，蒸25分鐘後，手撕起出雞肉，包上保鮮紙冷凍約10至15分鐘，之後取出以海蜇/士多啤梨/麻醬拌勻享用。
貼士：海蜇可先浸凍水30分鐘，再放雪櫃10分鐘，吃起來更彈牙爽口。
杏香雪心
需時：2小時（未計浸雪耳時間）
價錢：$12/1人
材料：雪耳1隻、南北杏共1両、士多啤梨2至3粒、冰糖4至5粒
做法：雪耳用熱水浸腍，沖水瀝亁；將全部材料放燉盅，燉約2小時即可。
留住維他命C
Edwin表示以士多啤梨煮餸相當簡單容易，皆因其色、香、味唔會因一般烹調而「走樣」或者變酸，只是維他命C則不耐熱而較易受到破壞，所以用士多啤梨煮餸，宜最後才下鑊。
示範：粵全食（21114149）
行政總廚EdwinLam
資料提供：美國加州士多啤梨協會
