喺呢個唔大唔細嘅名氣社交圈，乜嘢人最多？除咗騎呢外，最多都算係明明搵到但仍然貪心嘅人。
話說城中有位模媽「雙平」，佢同啲客嗌價嗌得緊係人都知，有次佢幫個女「天使」接咗個job，事先講明當佢係guest，亮一亮相嘅啫，不過大會就借咗對靚鞋畀佢着，但講明着完要還㗎噃，大家有耳有口聽得講得一清二楚。事後「天使」一個唔該着住對鞋走人，有關方面責任上叫佢還鞋啦，哈，死都唔還，電話又唔聽，搞到公關公司好難做，最終點收科呢？就係最後警告：「以後唔搵你做job」，「雙平」同「天使」惟有乖乖還鞋囉。
撰文：阿蘇
本欄逢周一至六刊出