鄭裕玲（嘟嘟）噚日為宣傳其至愛偶像木村拓哉演出嘅日劇《華麗一族》，坐轎登場。現場大型佈景板上有木村嘅肖像，嘟嘟即刻走埋去影相。今次佢為節目拍攝10集旁白片段，唔講大家都唔知佢係配音出身，嘟嘟話：「以前喺佳視的確係配音出身，可以幫助發音準確，𠵱家啲藝員、歌星就少咗呢個經驗，而且靠把聲都搵唔少錢㗎。」