王菲去年為丈夫李亞鵬誕下囡囡李嫣後，佢一直都為李嫣接受兔唇手術嘅事奔波，但恨追多個仔嘅王菲，噚日俾周刊報道佢拒唱奧運主題曲，原因係再次懷孕，仲影咗佢凸肚照㖭！不過王菲經理人陳家瑛否認王菲有喜，佢話：「我冇聽過呢件事，冇聽阿菲提過。」陳家瑛仲話王菲對生仔順其自然，總之呢一刻就冇。