【本報訊】「張子強點會綁成身炸藥去見李嘉誠，好話唔好聽小李（李澤鉅）都喺佢哋手上，使唔使用到炸藥，嗰日張子強只係插咗支槍去啫。」7年前在廣州被判入獄13年的「大富豪」張子強拍檔胡文，最近提前從內地出冊回港後旋即向周刊爆料。他又否認當年綁架李澤鉅後，李家找黑白兩道來擺平，他說：「黑道上邊個大佬敢同我哋講數，佢哋想嗱屎上身咩！」
仍與張子強妻聯絡
現年47歲的胡文，97年9月與張子強等人綁架郭炳湘，於00年6月在泰國被捕並引渡內地受審，同年7月被廣州市中級人民法院判有期徒刑13年。
最新一期《壹週刊》報道指，最近獲減刑提前出獄的胡文向周刊記者爆出驚天巨案的幕幕細節時說：「張子強同我識咗廿年，佢老婆同我老婆成日約埋打牌，就算佢個仔都同我個仔一齊玩。」他透露現時仍與張子強妻子保持聯絡，這次回港辦完自己的「手尾」後，就會暫時離港「唞吓」，其他事項日後再作打算。對於當年綁架郭炳湘並將其鎖在一個大木箱裏5天的細節過程，身形稍胖一頭短髮的胡文只說：「人哋都係有頭有面嘅，過去咗，唔好多講，唔想再提。」