【本報訊】馬力昨日否認曾表示要求港府替六四事件定調，但仍認為六四的資料不全面，教師教授此段歷史時或會隨意作出詮釋。中國歷史教育學會外務副主席何漢權批評，中央政府不願意公開當年的紀錄，才是六四資料不完整的原因；他批評民建聯副主席劉江華「歷史對六四自有公論」的說法，「啲人成日話向前看，你估講六四嘅人唔想向前看咩？我哋都想向前看，但唔可以盲目地向前看㗎嘛，如果前面有石仔咪仆死我！」
身兼教育評議會副主席的何漢權指，中央不願提六四，跟日本政府不提南京大屠殺一樣，是本質上迴避探索歷史，「雖然啲教科書提得唔係幾豐富，避重就輕，但始終啲教科書都要送畀教統局睇，佢哋睇完會決定係咪推薦畀學校用，都好難怪佢哋。」
資料不全面因中央不公開
他解釋，自2000年課程改革後，不少學校已經不再把中史科列為必修科，故他同意馬力所言，把六四納入歷史課程中，但不應由政府統籌，「六四一定要講、十一、雙十節、辛亥革命、南京大屠殺全部會講，但教師唔會亂講，會用當年嘅剪報，會擺事實出嚟，再同學生討論，唔會隨便加入自己嘅觀點，引導學生。」
何漢權又批評中央不公開六四的資料，「我哋𠵱家都係靠當年嘅報道、口述歷史、『天安門母親』丁子霖提供嘅資料，因為中央無開放當時嘅資料、黨當時嘅紀錄，你唔開放吖嘛，就唔怪得民間觀點唔夠多元化㗎喎。」
資深中學教師陳漢森指，教師不會胡亂引導學生，「佢哋六四嘅時候都未出世，靠轉述先知，自然無乜感覺，就算個先生講到喊，聲嘶力歇，啲學生可能仲以你係儍。」
他說，政府投放大量資源在愛國教育，「好似升旗禮，個個禮拜都升，成日叫我哋掛多啲國旗，教愛國歌曲，資源唔少㗎，但係入唔到心，好難強迫，好多時好形式化、好應酬式咁做。」
陳漢森又指出，教育統籌局每年安排的國民教育大使計劃，猶如平價北京旅行團，「啲學生返到嚟係知多咗，但唔覺得國家民族嘅感情多咗，就算有都係好短暫。」
有關六四的部份書籍及資料
書籍/資料：「六四」受難者家屬證辭光碟
作者/編者：天安門母親
出版社：天安門母親運動
書籍/資料：《丁子霖．「六四」受難者名冊》
作者/編者：丁子霖
出版社：九十年代雜誌社
書籍/資料：《尋訪六四受難者》
作者/編者：丁子霖
出版社：開放出版社
書籍/資料：《生者與死者——為了中國的明天》
作者/編者：丁子霖、蔣培坤
出版社：中國人權
書籍/資料：《八九民運——血染的歷史》
作者/編者：馬龍
出版社：世紀文化有限公司
書籍/資料：「五十年家國——中國現代史」電腦光碟
作者/編者：支聯會
出版社：支聯會
書籍/資料：《森林裏的願望》漫畫集暨光碟
作者/編者：馬龍
出版社：世紀文化有限公司
書籍/資料：《中國「六四」真相》（上、下冊）
作者/編者：張良
出版社：明鏡出版社
書籍/資料：《八九中國民運資料冊》
作者/編者：香港中文大學學生會
出版社：香港中文大學學生會
書籍/資料：《歷史的見證——天安門廣場1989．4．15-6．4》
作者/編者：《大公報》編輯
出版社：大公報
資料來源：支聯會、《蘋果》資料室