彭志銘說，董建華欠他一份人情。那本賣斷市的《老懵董》不單止沒有導致特首即時下台，反而讓他苟延殘喘多5年。是《老懵董》起了宣洩民怨的神奇效應，所以，老董應該親手在彭志銘胸前釘上一枚大紫荊。 記者:蔡元貴
於2000、01年出版的政治諷刺小品《老懵董》與《掃把頭》，對當時的特首董建華與保安局局長葉劉淑儀極盡挖苦刻薄，結果大受歡迎，出版社次文化堂加印加印再加印，社長彭志銘把功勞歸於政府：「個爛鬼政府做啲嘢乞人憎，好多人想抦，《老懵董》得到佢哋嘅共鳴。」
《老懵董》成功疏導怨氣
「本書好賣，反映政府不得民心。嗰時香港怨氣好重，本來作為一個有良心嘅書商，唔希望見到個社會咁慘。」有學者分析過，《老懵董》一類諷刺小品，可以疏導民間怨氣：「原來我出本書就可以減少鬱躁症。我對社會咁大貢獻，董建華應該頒個大紫荊勳章畀我。」
《老懵董》帶挈次文化堂發圍，彭志銘應該自豪，他卻說這是悲哀：「《老懵董》係無綫幾個編劇嘅idea(構思)，佢哋度好呢本書之後，搵咗幾間書商都唔敢幫佢哋出版，最後搵到我，已經係臨到書展前10日。好陰功，香港咁多出版社，淨係得一間敢做。」作者化名「傅姿燦」，創作《老懵董》不過是貪玩，勢估不到，《老懵董》一出，市場掀起一股諷刺高官刊物的熱潮。
《老懵董》、《掃把頭》以至近年的《煲呔僧》，成為萬千讀者追看的暢銷書，彭志銘卻把這些次文化堂出品踩得一文不值：「呢啲書根本唔好睇，又cheap(低俗)，好多橋都係抄番來嘅，仲係《掃把頭》抄咗，《煲呔僧》再抄。」
「呢10年真係一個浩劫」
回歸10周年，政府動用近億元粉飾昇平，彭志銘也很想出書贈興，可惜胎死腹中：「我本來想出本《十年浩劫》，但係冇人肯寫……我覺得香港呢10年，真係一個浩劫。10年前都不知幾好，唔知點解落咗喺呢批人嘅手上，香港就冇晒公義，個個都向錢看，連曾蔭權競選連任，都淨係識講經濟繁榮，冇話過要社會平等。」
次文化堂創立於1988年，旗下刊物多以探討香港普及文化及時事為主題，初期只出版《次文化雙周刊》，但讀者反應冷淡，出一期，蝕一期，雙周刊最後被迫改為月刊。
1989年六四事件，改變了彭志銘對出版事業的態度：「我哋唔再淨係吃喝玩樂，做得傳媒，應該有責任感，所以我哋嘅定位轉變咗，集中出版一啲講本土文化嘅書，探討香港人嘅身份。」
51歲的彭志銘出身於電影界，在香港影壇最光輝的80年代轉行搞出版：「行內有個講法，搞電影會家破人亡，搞出版就死無全屍。」他一口咬定，香港出版界正走向絕路，原因是雄霸了香港七、八成書店生意的中資集團，最近厲行中央採購制度，嚴控各分店售賣的書籍，以此控制出版自由空間：「大陸行家就不斷挑戰政府底線，香港就反潮流，收窄言論空間，香港冇得玩㗎喇！」
回歸10年倒數45日
