悠穎馳平時除咗鍾意揸車外，仲好鍾意上網挖啲好舊嘅汽車廣告，早幾日就俾我搵到一條1995年嘅ToyotaCorolla廣告，而且仲要係MadeinHongKong嘅㖭！
呢條放喺YouTube嘅《TOYOTACOROLLA1995年》廣告片，由港人製作，內容講一位貨Van司機喺等燈位嗰陣，見到隔籬有部當年仍屬新款嘅Corolla，個貨Van司機一路聽住草蜢隻《三分鐘放縱》、一路同隔籬位靚女司機打眼色㖭！點知靚女瞄咗佢一眼，居然落車行埋去，貨Van大哥諗住得米之際，靚女打開貨Van嘅車門仲烏低身！大家唔好諗邪嘢，佢只係㩒停貨Van套音響，仲拎隻碟出嚟掉喺地下！貨Van大哥唔單止冇嬲，仲拿拿臨換碟，改聽《OnlyYou》冧女。雖然橋段老土，但勝在Sell到車之餘仲令大家會心微笑。回頭一想，家陣好似已經無乜MadeinHK嘅汽車電視廣告，難道連代理都要縮皮？
網址：www.youtube.com/watch?v=tWyx_Zn0bKc
悠穎馳
豪邁不羈，愛車如命，聽幾下引擎聲就知咩車！