「噚日一考完，就踢波打機睇戲直落，好不過癮。但係咁樣過日子都唔係路……」苦讀數月，終於完成會考，但網友對會考後的日子似乎感到非常惘然。不少網友近日在討論區徵詢如何過日辰的意見，始發現原來會考後個個悶到飛起，「我𠵱家日日都冇嘢做」。
「我上個禮拜考完，日日打機煲碟到𠵱家，呢啲生活開始頂唔順，又覺得自己好浪費時間」高登討論區不少網友打算找工作，但巴廸斯雷達卻多次碰釘，「見咗幾份工，例排一個禮拜通知……我諗成功率都唔高……見步行步啦！」但低處未算低，網友足球預科生就更加苦悶，「我一日出街玩，第二日留喺屋企。如此類推。不過我𠵱家悶到飛起，又拎番啲教科書嚟睇。」
MR.4004則在香港討論區稱，計劃到北韓旅行慶祝考試完畢，希望找個同伴，卻遭網友大潑冷水，「isthisagag?（你說笑嗎？）」「打錯字？去北韓？小心一去冇回頭！係咪去南韓呀？」。但kaizr卻大讚MR.4004有品味，「無謂同井底蛙一般見識。」