【本報訊】青年承諾跟懷孕的同居女友結婚，但條件竟是代其向前女友還債，以及「結咗婚都可以有其他女友」，更涉嫌出言恐嚇「我係14號嘅人」，威脅其家人甚至愛犬的性命安全。案件昨日於觀塘裁判法院開審，惟因警方替證人錄取口供時出現嚴重漏洞，被告獲判脫罪獲釋，裁判官更批評負責的探員馬虎，引致現時結果。
女事主現為補習教師，她於02年任職星探期間，認識現年28歲的被告張漢霖，二人於04年7月墮入愛河，同年9月共賦同居。她昨日供稱，去年10月7日約被告餐廳見面，當時她已懷有三個月身孕，惟被告另結新歡。被告稱如果女事主可代其向前女友還債，便會與她結婚，更提出荒謬條件，「你要額外借錢畀我，第日結咗婚，我都仍然可以有其他女友」。事主反對，被告即發難，「我係14號嘅人，你同你屋企人小心啲」，又指「你個BB落到就落」，說罷離開。
要求婚後與女友同住
至10月9日，兩人於旺角一間卡拉OK見面，被告重申「就算結咗婚，一係同埋我女友一齊住，一係你交個仔畀我同女友養，你唔可以再見佢」。事主覺得被告「好冷血」，決定不再幫他還錢。被告怒罵事主「反口」，此時被告電話響起，他立即向話筒稱，「仲傾緊，到時有乜事你衝上佢屋企」，掛線後向女事主作出恐嚇，「我叫咗30個𡃁仔喺你屋企樓下，唔好玩嘢，否則搞你屋企人，唔好唔記得你仲有隻狗喺我屋企」，被告未有結賬離去。事主最終報警。
辯方質疑女事主也曾恐嚇被告，而她替警方錄取的口供內，並無提及被告有關恐嚇語句，她昨日稱：「警察話『隊』、『燒』、『斬』嘅內容先要錄」，「唔寫我都冇法」。裁判官認為口供出現嚴重遺漏，裁定被告兩項恐嚇罪名不成立，但指摘被告行為令人氣憤，「如果你有良知，應該感到羞愧」，更指女事主能夠離開被告是塞翁失馬，焉知非福。
案件編號：KTCC1188/07