《溏心風暴》意外地谷紅了幾位前輩，「大契」李司棋、「細契」關菊英和「莉姨」米雪，昨日在《星級廚房》爭鑊鏟下廚，大契品嚐辣味後重演《溏》劇中的hit爆場面，細契則扮苦情迎戰。
無綫生活台昨日特別為大契李司棋、細契關菊英和莉姨米雪搞了個《星級廚房》特別版，三人齊齊下廚，炮製潮式甜品反沙芋。《星級廚房》特別版昨日在將軍澳電視城錄影，事前更為人氣急升的大、細契舉辦簡單而隆重的記者會，名為「唐家爭『鏟』『升』級版記者會」。
重演經典場面鬥戲
記者會上，大、細契和莉姨在廚藝大鬥法之前，先大鬥演技，三人分別品嚐甜、酸、苦、辣的食品，然後以喜怒哀樂演繹一段大契在《溏心風暴》幾句精警對白：「呢度唔係法庭，邊個係人，邊個係鬼，我好清楚。」大契品嚐辣味，再次狠狠地演繹這幕經典場面，令人拍爛手掌；細契則以哀傷神情演繹，令人印象難忘。
大、細契和莉姨人氣勁升，有廣告客戶更睇準時機，借三人谷宣傳，無綫更在記者會上，讓廣告商高調宣傳產品，獲贈光波爐的大契把握機會說：「今次送個爐，下次再宣傳就要送埋廚房裝修囉！」言下之意，即是若廣告商再找她宣傳，就要識做啦！
另外，大、細契在商台錄音訪問中否認不和，更互送高帽，大契說：「點解要不和呢？夏雨又唔係我哋兩個嘅老公。我哋喺《強人》合作過，我覺得關菊英以前好好笑，𠵱家都好大方，請人食嘢又送嘢畀人。嗰場戲我叫佢走，佢做得好放。」對於最近有報道指二人拍劇每集只收2,500元，但節目主持指大契去年在內地買樓，她說：「舊年前年都有買，佢哋睇低我哋嘅演技，連呢樣嘢都要睇低埋！」
220萬人睇楊怡小產
《溏心風暴》紅了大、細契和莉姨，但平均收視卻未算突出，上周平均收視約31點，約有201萬人次收看。而上周四大契怒斥楊怡任性引致小產，是上周錄得最高收視，約220萬人次收看。
採訪：楊潔雯、王連連 攝影：林德雄
