無綫前高層黃家亮（圖）懷疑因患上抑鬱症，日前吊頸自殺身亡，其家人為佢於本月22日設靈，無綫一班好友協助辦理喪事，有份幫忙嘅無綫監製林嘉穎噚日話：「當日會以天主教儀式舉行，無綫都好幫忙，我哋製作咗一條30分鐘嘅短片，會喺設靈當晚播放。」林嘉穎又表示黃家亮家人經濟冇問題，女兒今年會考，朋友只係幫手辦喪事。