當國際米蘭衞冕聯賽冠軍之後，另一個目標，好明顯係意大利盃，論人腳，論鬥心，國米捧埋呢隻盃仔，點知首回合已經輸2:6畀羅馬！次回合要最少贏5:0先可以捧盃，真係會有奇迹出現？
近呢10日，球場絕地反擊，一場又一場，先係基達菲搞掂巴塞，之後再有皇馬反勝愛斯賓奴，星期日，國米又反勝拉素！完全係球員想贏之下，造出一個幾戲劇性嘅賽果。不過，我覺得國米對羅馬，能否可以大逆轉，真係好難估，因為羅馬有時都幾奇怪，歐聯可以輸1:7畀曼聯，又可以贏國米，所以我好有信心入球大，國米狂攻，又有基斯普，入波無問題。而羅馬，聯賽輸畀拖連奴，好明顯係留力，睇嚟兩隊開大係好有機會！
另一場今周焦點，歐協盃決賽愛斯賓奴對西維爾，前者上仗仲收起大部份主力，竟然可以同皇馬打成五五波！而西維爾，上兩場波都輕鬆贏維爾瓦同拉科，呢場足協盃決賽，我深信入球同樣會開大，至於邊隊贏，我會睇高西維爾少少。
周鵬
商業1台《球迷集中贏》主持
電郵：[email protected]