今年抵港新車數目真係多到你唔信，唔理日本車定歐洲車、Size大定細，都將不停湧嚟香港，搞到班用家揀車揀到眼花！就好似德國嘅Volkswagen咁，佢哋嗰頭先嚟咗新一代Touareg，據聞遲吓仲會嚟埋部EOS電摺硬頂開篷車，哈，點知中間又夾咗架新一代小辣跑GolfGT！
或者你會話，GolfGT同先前用1.6或2.0公升FSI引擎嘅Version，外觀同車廂設計無大分別，兼且仲要得嗰1,390c.c.，有咩巴閉？無錯，部車個Look同車廂鋪排同普通版差唔多，巴閉處其實喺台Engine嗰度，呢台1.4公升TSI引擎，係Volkswagen廠方最新推出嘅型號，佢糅合咗Supercharger同Turbo嘅裝置於一身，從而令最大馬力輸出達到170匹，配埋6前速DSG半自動波箱，性能表現幾近大哥GTI！悠穎馳已約咗試車，想知新車有幾勁，就要昅實《轆Book》介紹喇。
查詢：合泰汽車（28828938）
悠穎馳
豪邁不羈，愛車如命，聽幾下引擎聲就知咩車！